Ավետիք Չալաբյան

Հասարակական-քաղաքական գործիչ Ավետիք Չալաբյանը «Համախմբում» շարժման համահիմնադիր և խորհրդի անդամ է։

Ավարտել է Երևանի պետական համալսարանը՝ տեսական ֆիզիկա մասնագիտությամբ, այնուհետև գործարար կառավարման մագիստրոսի կոչում ստացել Հյուսիսային Կարոլինայի համալսարանում:

2001-2020 թթ․ աշխատել է հեղինակավոր միջազգային խորհրդատվական «McKinsey & Company» ընկերությունում, 2015-2020 թթ․ ղեկավարել է այդ ընկերության միջազգային մետալուրգիական պրակտիկան, այնուհետև հանդիսացել է Նիդեռլանդներում հիմնված Metinvest առաջատար միջազգային մետալուրգիական ընկերության տնօրենների խորհրդի անդամ։

Նախկինում նաև աշխատել է ՀՀ Տնտեսական զարգացման նախարարությունում` որպես ԱՀԿ հարցերով վարչության պետ:

Ավետիք Չալաբյանը «Արար» հիմնադրամի համահիմնադիր, հոգաբարձուների խորհրդի, ինչպես նաև «Վերադարձ Հայաստան» հիմնադրամի հոգաբարձուների խորհրդի անդամ է։